Display to small

Rotate your device or try a larger display

No equivalent paragraph (chunk) in redactio A available
B.I.P.1.50

Secundo 1 probant quod in tali lumine articuli possunt esse intellecti auctoritate et ratione. Auctoritate 2 canonis uidetur ad hoc Is. 7, ubi translatio nostra dicit: Si 3 non credideritis, non permanebitis, alia translatio habet: non intelligetis; ergo supposita credulitate per fidem possibilis est uera cognitio et certus intellectus per aliud lumen. Item AVGVSTINVS 4 in II Epistula ad Volusianum dicit: Ego 5 catholicam fidem profiteor et per illam ad certam scientiam me uenturum presumo; auctoritas uidetur expressa. Ad idem est 6 ratio talis: non minus potest lumen supernaturale supposita fide quam lumen naturale intellectus nostri supposito fantasmate; set lumen naturale intellectus nostri supposito fantasmate facit clare intelligi principia naturalia et sciri conclusiones ex eis deductas; ergo lumen supernaturale supposita fide sufficit ad faciendum clare intelligi principia supernaturalia, idest articulos, et sciri conclusiones ex eis deductas.

  1. Secundo … ex eis deductas] cf. Henr. de Gand., Summa, 13, 8 (97vA): «Circa octauum arguitur quod homo per se fine doctore possit hanc scientiam addisce sre. Primo sic, non est minoris efficaciae lumen supernaturale ad cognoscendum supernaturalia, quam lumen naturale ad cognoscendum naturalia. sed homo adiultorio luminis naturalis per se fine doctore potest inuestigare notitiam scibilium naturalium, vt habitum est supra. ergo et per se propria inuestigatione sine doctore lumine supernaturali potest notitiam scibilium supernaturalium inuestigare. Talia sunt scibilia huius scientiae. ergo et caetera. Secundo sic. Augustinus post principium de doctrina Christiana, loquens de beato Antonio dicit: quod sine vlla scientia literarum scripturas diuinas et memoriter tenuit: et prudenter intellexit. sed hoc non fuit nisi per se addiscendo hanc scientiam. ergo et caetera. Oppositum arguitur secundum illud quod habetur Actuum. viii. vbi quaerebat Philippus ab eunucho legente Esaiam, putas ne intelligis quae legis: Qui re spondit, quomodo possum si non aliquis ostenderit mihi: vbi dicit Glos. Hic arguit eorum audaciam qui aestimant sine doctore diuinam scripturam intelligere.»; Quodl. XII, 2 (24,34-25,64) ↩︎

  2. Auctoritate … per aliud lumen] Iac. Met., Super Sent., Prol., 1, 1 (51,29-32) ↩︎

  3. Si … habet non intelligetis] Is., 6, 9 ↩︎

  4. Augustinus ... auctoritas uidetur expressa] Iac. Met., Super Sent., Prol., 1, 1 (51,41-43) ↩︎

  5. Ego … me uenturum presumo] Aug., Contra epist. fundam., 14 (210,14-16) ↩︎

  6. est … ex eis deductas] cf. Iac. Met., Super Sent., Prol., 1, 1 (51,34-40) ↩︎
C.I.P.2.9

Secundum autem probant duabus autoritatibus et una ratione. Prima autoritas sumitur ex Canone Is. 7°, ubi dicit translatio nostra: Nisi credideritis, non permanebitis; alia translatio habet: non intelligetis; ergo supposita credulitate per fidem possibile est intelligere articulos per aliud lumen. Secunda autoritas est beati AVGVSTINI Ad Volusianum prius in arguendo posita. Ratio autem talis est: non minus potest lumen supposita fide supernaturale quam naturale lumen intellectus nostri supposito phantasmate; set lumen naturale intellectus nostri supposito phantasmate facit clare intelligi principia naturalia et sciri conclusiones ex eis deductas; igitur lumen supernaturale supposita fide sufficit ad faciendum intelligi principia supernaturalia, idest articulos fidei, et scire conclusiones ex eis deductas.