Display to small

Ad primam rationem respondebatur quod intuitiua precedit abstractiuam ordine nature; set Deus potest aliud facere mutando talem ordinem. ALIVS dixit quod uel intelligitur de eadem cognitione uel de alia; non de eadem, quia in nobis non omnis cognitio intellectiua et abstractiua presupponit cognitionem intuitiuam eiusdem potentie; nec de alia, quia in angelo non est nisi una cognitio et tamen est ibi intuitiua et abstractiua.