Display to small
Rotate your device or try a larger display
Accipiendo autem large scientiam pro habitu eorum que deducuntur ex ueris et necessariis, licet immanifestis ipsi deducenti, theologia potest dici scientia, theologia, inquam, tertio modo accepta, scilicet pro habitu eorum que deducuntur ex articulis. Accepta autem secundo modo, scilicet pro habitu eorum ex quibus fides defenditur et declaratur, idem est dicendum, quia rationes que adducuntur ad defendendum fidem et declarandum magis sunt probabiles persuasiones quam necessarie demonstrationes. Hoc uidetur sentire frater THOMAS III libro distinctione 33 articulo 2 in corpore solutionis 4 questionis, ubi dicit sic: Si 1 autem esset aliqua scientia que non posset reduci ad principia naturaliter cognita, non esset eiusdem speciei cum aliis nec uniuoce scientia diceretur; talis autem est theologia.
Iuxta predictam distinctionem argumenta 2 facta ad questionem procedunt uiis suis.