Display to small

Rotate your device or try a larger display

No equivalent paragraph (chunk) in redactio A available
B.I.P.1.60

Tertia 1 opinio est quod theologia non est proprie et simpliciter scientia, set solum large. Primum patet, quia si conclusiones deducte ex articulis essent uere et proprie scite, hoc esset uel propter adhesionem uel propter illationem; propter euidentiam enim non sunt scite cum non sint euidentes intellectui, sicut nec articuli ex quibus concluduntur; set non possunt dici scite propter adhesionem, quia homo frequenter adheret firmissime et pertinaciter falsis, ut patet in hereticis et multis aliis, falsum autem non potest esse scitum; nec propter illationem, quia uera recte inferuntur ex falsis, que cum sint illata, nullus diceret esse scita; ergo nullo modo sunt proprie et simpliciter scite conclusiones ex articulis illate. Ad 2 idem posset adduci ratio prius facta contra secundum modum ponendi; et est satis efficax.

  1. Tertia … set solum large] cf. God. de Font., Quodl. IX, 20 (285-292); • • • Guill. P. God., Lect. Thom., Prol., 1 (12-17); • • • Iac. Met., Super Sent., Prol., 1 (56,218-222); • • • Heru. Nat., Opinio de diff. contra doctrinam fr. Thome (36-37) ↩︎

  2. Ad … secundum modum ponendi] cf. Dur., Super Sent., Prol., 1 (39,819-40,847) ↩︎
C.I.P.1.60'