Display to small

Rotate your device or try a larger display

No equivalent paragraph (chunk) in redactio A available
B.I.7.un.25

Tertia talis est. Continere 1 principiatiue diuinam Personam nobilius est quam continere creationem creaturarum; set continentia creatiua respectu creature est propter essentiam et non propter aliquam relationem; ergo continentia principiatiua respectu Persone diuine multo fortius est propter essentiam.

Quedam alie rationes adducuntur a QVIBVSDAM 2, que supponunt quod essentia et relatio sint penitus idem re nec differant nisi ratione; set quia istud quoad nos uertitur in dubium, ideo illas omitto.

  1. Continere … est propter essentiam] Alex. de Alex., Super Sent., I, 7, 2, arg. 3 (47ra) ↩︎

  2. quibusdam … differant nisi ratione] cf. Thom., Super Sent., I, 7, 1, 2, sol. (179); 33, 1, sol. (764-765); S.th., I, 28, 2, resp.; De pot., 8, 2, resp. (217a-b) ↩︎
C.I.7.2.15

Tertia ratio talis est. Continere principiatiue diuinam Personam nobilius est quam continere causatiue creaturam; set continentia creature est propter essentiam, non propter relationem aliquam; ergo continentia principiatiua respectu diuine Persone multo fortius est propter essentiam. Plures alie rationes possent adduci, set iste nunc sufficiunt.