Display to small
Rotate your device or try a larger display
Ad tertium dicendum quod accidens dicitur dupliciter: uno modo prout nominat naturam condiuisam substantie, et sic nichil dicitur de Deo per accidens; alio modo dicitur accidens quod conuenit alicui per aliud, et hoc modo nichil prohibet quin Deo conueniat per accidens, hoc est per aliud, aliqua habitudo rationis. Ex hoc enim quod Deus intelligitur ut terminus habitudinis realis creature ad ipsum consurgit secundum nostrum modum intelligendi quedam habitudo, saltem rationis, Dei ad creaturam.
Ad tertium dicitur quod accidens dicitur dupliciter: uno modo prout dicit naturam condiuisam substantie, et sic nichil dicitur de Deo per accidens; alio modo dicitur accidens quod conuenit alicui per aliud, et hoc modo nichil prohibet quin Deo coueniat per accidens, hoc est per aliud, aliqua habitudo rationis. Ex hoc enim quod Deus intelligitur ut terminus habitudinis realis creature ad ipsum, consurgit secundum nostrum modum intelligendi quedam habitudo, saltem rationis, Dei ad creaturam.