Display to small

Rotate your device or try a larger display

No equivalent paragraph (chunk) in redactio A available
B.I.3.4'.3

In contrarium est quia respectu eiusdem actus est eadem potentia; set eundem actum 1 quem attribuimus memorie, scilicet tenere species, PHILOSOPHVS attribuit intellectui III De anima, ubi dicitur quod anima 2 est locus specierum, non tota set intellectus; ergo memoria et intellectus seu intelligentia sunt eadem; et pari ratione intellectus et uoluntas cum ex equo connumerentur inter partes ymaginis.

  1. actum … scilicet tenere species] cf. Aug., De Trin., XI, 7, 11 (347,1-12) ↩︎

  2. anima … tota set intellectus] Arist., De an., III, 4, 429a27-28; • • • cf. Thom., S.th., I, 79, 7, sed contra ↩︎
C.I.3''.3.3

In contrarium est quia respectu eiusdem actus est eadem potentia; set eundem actum quem AVGVSTINVS attribuit memorie, scilicet tenere species, PHILOSOPHVS III De anima attribuit intellectui possibili, dicens quod anima est locus specierum, non tota set intellectus; quare uidetur eadem esse potentia memoria et intellectus seu intelligentia.