Display to small
Rotate your device or try a larger display
Item in causis uel est processus in infinitum uel est status in aliquo. Si sit status in aliquo, illud est prima causa, quam dicimus Deum; si sit processus in infinitum, sequitur quod nichil producetur uel infinita actu concurrent ad productionem cuiuslibet. Consequens uidetur impossibile, ergo antecedens. Probatio consequentie, quia hec 1 uidetur esse inter causas essentialiter ordinatas et accidentaliter differentia, quia in accidentaliter ordinatis non oportet quod cause sint simul (ad 2 hoc enim quod Petrus generet, accidit sibi quod pater eius sit), set in ordinatis essentialiter oportet quod cause sint simul (ad hoc enim quod homo generet hominem, oportet quod sol concurrat et si qua causa est superior et essentialiter ordinata). Si igitur cause essentialiter ordinate haberent infinitatem, infinita simul concurrerent ad quodlibet producendum.