Display to small
Rotate your device or try a larger display
Item dicere non est actus personalis; ergo uerbum non est aliquid personale. Consequentia patet, quia uerbum et dicere correspondent sibi uel tamquam idem uel sicut actio et productum per actionem. Probatio antecedentis, quia nullus actus personalis conuenit tribus Personis aut cadit super creaturam uel reflectitur super Personam a qua est uel cuius est ut agentis; set dicere conuenit omnibus Personis, cadit etiam super creaturam sicut super Personam diuinam, reflectitur etiam super Personam dicentem: quelibet enim Persona dicit se et creaturam; ergo etc. Maior patet, quia omnis actus personalis est actus quo producitur Persona et non creatura; et quia nulla Persona a se ipsa producitur, ideo actus personalis non potest conuenire Persone que nichil producit, nec potest cadere super creaturam, que per eum non producitur, nec super Personam a qua est, quia illa se ipsam non producit. Minor patet, quia cuilibet Persone conuenit dicere mentale respectu sui et creature: quelibet enim dicit se et creaturam, ut dictum est; sequitur ergo conclusio.
Item dicere non est actus personalis; ergo Verbum non est aliquid personale. Consequentia patet, quia uerbum