Display to small

Set ad hoc dicunt QVIDAM¹ quod dicere dupliciter sumitur. Vno modo, prout dicere² est idem quod uerbum producere, et sic est actus notionalis nec competit cuilibet Persone, set tantum Patri, nec illi competit sic dicere respectu sui uel creature, set solum respectu Filii, qui est Verbum: hoc enim modo Pater dicit Verbum, idest producit Filium, non autem dicit se uel creaturam; et huic dicere respondet Verbum tamquam terminus productus et utrumque dicitur personaliter. Alio modo dicere sumitur pro eo quod est manifestare per uerbum uel in uerbo, et sic dicere est actus essentialis et competit cuilibet Persone respectu sui et aliorum: quelibet enim Persona manifestat se et alia in Verbo; et huic dicere non respondet Verbum tamquam idem uel tamquam terminus per ipsum productus, set est forma, ut sic loquar, per primum dicere producta, in qua relucent et manifestantur omnia. Ideo non ualet argumentum.

Set adhuc dicunt QVIDAM quod ‘dicere’ dupliciter sumitur: uno modo, prout dicere est idem quod uerbum producere et sic est actus notionalis nec competit cuilibet Persone, set tantum Patri, nec illi competit sic dicere respectu sui uel creature, set solum respectu Filii, qui est Verbum; hoc enim modo Pater dicit Verbum, idest producit Filium, non autem dicit se uel creaturam, et huic dicere respondet Verbum tanquam terminus productus et uterque dicitur personaliter. Alio modo ‘dicere’ sumitur pro eo quod est manifestare per uerbum uel in uerbo, et sic dicere est actus essentialis et conuenit cuilibet Persone respectu sui et aliorum; quelibet Persona enim manifestat et alia in Verbo et huic dicere non respondet Verbum tanquam idem uel tanquam terminus per ipsum productus, set est forma, ut sic loquar, per primum dicere producta, in qua reducuntur et manifestatur omnia. Ideo non ualet argumentum.