Display to small

Rotate your device or try a larger display

No equivalent paragraph (chunk) in redactio A available
B.I.1.2.7

Secundo sic: ad eandem potentiam pertinet actus absolute et actus modificatus, sicut ad eandem potentiam pertinet concupiscere et concupiscere temperate uel intemperate; ergo ad eandem potentiam pertinet uti et abuti et bene uti; set bene 1 uti et abuti directe et proprie pertinent ad uoluntatem; ergo et uti. Maior patet, set minor probatur, quia recte agere et peccare directe pertinent ad uoluntatem secundum AVGVSTINVM Libro Retractationum, qui dicit quod uoluntas 2 est qua peccatur et recte uiuitur; set bene uti et abuti sunt idem quod recte agere et peccare; ergo tam uti quam abuti directe pertinent ad uoluntatem.

  1. bene … ergo et uti] cf. Petr. de Tarant., Super Sent., I, 1, 1, 1, sed contra 1 (11a): «Contra 1. Opposita nata sunt fieri circa idem ad solam voluntatem pertinet abuti, quia ipsa sola peccat: ergo et vti.» ↩︎

  2. uoluntas … et recte uiuitur] Aug., Retract., I, 9, 4 (26,95) ↩︎
C.I.1.3.7

Secundo sic: ad eandem potentiam pertinet actus et actus modificatus, sicut ad eandem potentiam pertinet concupiscere et moderate concupiscere uel immoderate; ergo ad eandem potentiam pertinet uti et bene uti uel abuti. Set bene uti uel directe et proprie pertinet ad uoluntatem; ergo et uti. Maior patet, set minor probatur, quia recte agere et peccare directe pertinent ad uoluntatem; set AVGVSTINVS Libro Retractationum dicit quod uoluntas est qua peccatur et recte uiuitur; set tam bene uti quam abuti directe et proprie pertinent ad uoluntatem; ergo etc.