Display to small

Rotate your device or try a larger display

No equivalent paragraph (chunk) in redactio A available
B.I.1.1.10

Secunda distinctio est de amore, quia cum frui sit actus uoluntatis et omnes actus uoluntatis radicaliter fundentur in amore, omnes habent aliquo modo iudicari ex amore. Est autem duplex 1 amor, scilicet amor beniuolentie et amor concupiscentie. Illud amamus amore beniuolentie cui uolumus aliquod bonum uel aliquam perfectionem; ipsum autem bonum uel perfectionem quam uolumus nobis uel alii amamus amore concupiscentie.

  1. duplex … et amor concupiscentie] cf. Thom., Super Sent., III, 29, 1, 3, sol. (928-929); S.th., I II, 26, 4, resp.; 28, 1, resp. ↩︎
C.I.1.2.6

Secunda distinctio est de amore, quia cum fruitio sit actus uoluntatis et omnes actus uoluntatis radicaliter fundentur in amore, omnes habent aliquo modo iudicari ex amore. Est autem duplex amor, scilicet amor beniuolentie et amor concupiscentie. Illud amamus amore beniuolentie cui uolumus aliquod bonum uel aliquam perfectionem; ipsum autem bonum uel perfectionem quam uolumus nobis uel aliis amamus amore concupiscentie.