Display to small

Rotate your device or try a larger display

No equivalent paragraph (chunk) in redactio A available
B.I.1.1.14

Tertio, quia omnis amor habet aliquid complexum pro obiecto. Sicut enim patebit in II libro, uoluntas 1 sequitur actum intellectus componentis et diuidentis; talis enim solum dicit quid est conueniens ad prosequendum uel fugiendum. Set Deus ut sic est aliquid incomplexum et per modum incomplexi apprehensum; Deum autem uidere uel manifestari nobis est aliquid complexum; ergo Deus secundum se non potest esse obiectum amoris, desiderii aut delectationis, set solum eius uisio uel manifestatio uel aliquid huiusmodi. Hoc etiam de se uidetur esse clarum; nichil enim uidetur esse dictu quod desideremus Deum, set oportet quod desideremus Deum uidere uel habere uel aliquid tale. Et sic patet primum, scilicet quod immediatum obiectum fruitionis non est Deus, set aliquis actus quo a nobis attingitur uel coniungitur.

  1. uoluntas … componentis et diuidentis] cf. Dur., Super Sent., II, 25, 2 (59,22-30); • • • Arist., De an., III, 9, 432b27-433a3 ↩︎
No equivalent paragraph (chunk) in redactio C available