Display to small

Rotate your device or try a larger display

A.II.3.3.2

Et uidetur quod sic, quia de 1 ratione speciei est quod predicetur de pluribus differentibus numero, actu uel saltem aptitudine; set angeli sunt in genere et specie; ergo in eis sunt uel esse possunt plures eiusdem speciei. Maior patet ex diffinitione speciei quam ponit PORPHIRIVS2, et propter aliud, quia ad plura se extendit conceptus uniuersalis quam singularis; hoc non esset, nisi conceptus uniuersalis esset plurium secundum actum uel aptitudinem; minor de se manifesta est; ergo etc.

  1. de … uel saltem aptitudine] Herv. Nat., Super Sent., II, 3, 2 (209aD): «Secundo queritur, utrum possint esse plures angeli differentes in eadem specie. Et arguitur quod sic, quia secundum Porphirius, de ratione speciei est, quod predicetur de pluribus differentibus numero in eo quod quid actu uel aptitudine; sed illud, quod predicatur de pluribus differentibus numero in eo quod quid, potest habere diuersa sub se de quibus predicetur; ergo quelibet species tam in angelis quam in aliis potest habere plura indiuidua sub se» • • • ps.-Thom., Summa tot. Log. Arist., I, 3 (56a) • • •  Ioh. Paris., Super Sent., II, 3, 3 (67,185-188) ↩︎

  2. Porphirius] Porph., Isag., 4,11‑13 ↩︎
No equivalent paragraph (chunk) in redactio B available
C.II.3.3.4

In contrarium arguitur, quia de ratione speciei est quod predicetur de pluribus differentibus numero, actu uel saltem aptitudine, cum autem angeli sint in genere et specie; ergo in eis sunt uel esse possunt plures eiusdem speciei. Maior patet ex diffinitione speciei quam ponit PORPHIRIVS, et propter aliud, quia ad plura se extendit conceptus uniuersalis quam singularis; sed hoc non esset, nisi conceptus uniuersalis esse plurium secundum actum uel aptitudinem; minor de se manifesta est; ergo etc.