Display to small

Rotate your device or try a larger display

A.II.1.4.16

Ad primum argumentum dicendum per interemptionem minoris. Non enim unitas sui additione cum aliis causat numeros, immo ipsa sola sui replicatione causat omnem nume rum materialiter. Sex1 enim non sunt quinque et unum, set semel sex uel sex unitates: numerus enim non habet aliam materiam nisi unitatem. Est enim numerus2 multitudo ex unitatibus collecta. Et eodem modo Deus omnia immediate produceret, si uirtutem producendi aliis non communicasset.

  1. Sex … uel sex unitates] Arist., Metaph., V, 14, 1020b8 ↩︎

  2. Est … ex unitatibus collecta] cf. Boeth., De arith., I, 3 (15,2‑3) • Isid. Hisp., Etymol., III, 3, 1 • Auic., Metaph., III, 3 (114,31). ↩︎
No equivalent paragraph (chunk) in redactio B available
C.II.1.5.16

Ad primum argumentum dicendum est per interemptionem minoris. Non enim unitas sui additione cum aliis numeris causat numeros, immo ipsa sola sui replicatione causat omnem numerum materialier. Sex enim non sunt quinque et unum, sed semel sex uel sex unitates: numerus enim non habet aliam materiam quam unitatem. Est enim numerus ex unitatibus multitudo collecta. Et eodem modo Deus omnia immediate produceret, si uirtutem producendi aliis non communicasset.